കൊച്ചി: മണ്സൂണിനുമുമ്പ് അങ്കമാലി - മണ്ണുത്തി ദേശീയപാതയില് ഗതാഗതം സുഗമമാക്കാനുള്ള ജോലികള് പൂര്ത്തിയാക്കുമെന്ന് കേന്ദ്രസര്ക്കാര് ഹൈക്കോടതിയില്. അറ്റകുറ്റപ്പണികള് ആരംഭിച്ചതായും അഡീഷണല് സോളിസിറ്റര് ജനറല് എ.ആര്.എല്. സുന്ദരേശന് അറിയിച്ചു.
കേന്ദ്രത്തിന്റെ ഉറപ്പ് രേഖപ്പെടുത്തിയ ചീഫ് ജസ്റ്റീസ് സൗമെന് സെന്, ജസ്റ്റീസ് വി.എം. ശ്യാംകുമാര് എന്നിവരുള്പ്പെട്ട ഡിവിഷന് ബെഞ്ച് വിഷയം മേയ് 28ന് പരിഗണിക്കാന് മാറ്റി.
അടിപ്പാതകളുടെ നിര്മാണം, സര്വീസ് റോഡുകളുടെ അറ്റകുറ്റപ്പണി എന്നിവയുടെ പുരോഗതി സംബന്ധിച്ച് തൃശൂര് ജില്ലാ കളക്ടര് റിപ്പോര്ട്ട് സമര്പ്പിക്കണമെന്നും കോടതി നിര്ദേശിച്ചു.
ദേശീയപാത ശോച്യാവസ്ഥയില് തുടരുമ്പോഴും തൃശൂര് പാലിയേക്കരയില് ടോള് പിരിവ് തുടരുന്നതിനെതിരേ കോണ്ഗ്രസ് നേതാവ് ഷാജി കോടങ്കണ്ടത്ത് ഉള്പ്പെടെ നല്കിയ ഹര്ജികളാണു കോടതിയുടെ പരിഗണനയിലുള്ളത്.
Deepika
E-paper LOGIN
LOGIN
